Vici Stage

營業中

休息中

呢間酒吧啲嘢飲打卡都幾正！Happy ending mocktail菠蘿青檸熱情果，飲落去唔會太甜，入面用咗好多鮮果汁，唔使擔心係糖漿。Dancing grape 好得意係用茶壺裝住，用嚟打卡一流。用提子主題，入面比較甜容易入口，帶有少少酸味。感覺似提子梳打，好好飲。冬陰功海鮮意粉份量都算多兩個人夠食，冬陰功味都唔係好濃，番茄味道就好出。不斷食啲意粉會咬到唔同大細嘅魷魚，感覺好得意幾有口感。無骨泰式鳳爪好大兜🙈好多好多件鳳爪，好多好多生洋蔥，呢個好抵食。泰式串燒有6串豬牛雞都齊晒，佢哋個沙嗲汁好香濃，食得出好重椰汁味道幾好食。沙律🥗有我最鍾意嘅羽衣甘藍🥬咁就一定好健康，入面仲有啲柚子、番茄、青瓜絲、蘿蔔絲。