Purple Cafe (已結業)

餐廳環境好吸睛，紫色加粉紅色主題，少女風格，有打卡位，非常適合鍾意打卡嘅朋友仔！黑松露蘑菇意大利飯：黑松露份量都幾多，飯質感比較硬，黑椒比較多但黑松露中和返所以整體都唔錯！台式烤腸：店員放底已經聞到好香燒烤過嘅味道，腸唔鹹味道啱啱好，加埋茄汁味道更佳！芝芝莓莓：賣相非常吸引，酸酸甜甜好開胃好好飲，仲有草莓果肉粒，芝士奶蓋味道不錯！蔚藍星空雪：賣相超吸晴，睇名睇樣完全估唔到係咩飲品，但名同賣相都好吸引所以好期待，味道超濃烈椰奶唔甜好好飲！