Layback Cafe & Bar

營業中

休息中

享受悠閑嘅時光，被layback cafe個名吸引到，入面有個打卡area放左好多大大隻🐻仔、草泥馬🦙，天花板有大大個月亮🌕高掛，坐喺入面已經覺得好relax。見到佢哋喺食蟹嘅季節新推出生拆蟹粉拌北京拉麵，我同朋友不約而同想試，一上枱已經香氣四溢，擺盤亦非常精緻，用咗中式瓷碗裝住蟹黃，噴上少許女兒紅，增添香氣，蟹黃份量非常足，幼身嘅北京拉麵吸收曬蟹黃嘅精華，入口香濃，回味無窮。另外試埋油封鴨脾配窩夫，伴碟有紅酒同埋橙味嘅啫喱，色彩繽紛，油封鴨脾肉質酥軟，連埋窩夫食好特別。甜品試左MATCHA Affogato，香草雪糕細膩甜軟，濃濃的奶香味，夾著杏仁香氣，加埋抹茶食，沈穩的茶香味帶出另一種風味。飲品揀咗夏天清新之選，Earl’s Summer雞尾酒同埋Sor berries 奶昔。Earl’s Summer用咗Bombay Sapphire Gin酒做base，再加入鮮榨芒果汁，熱情果同埋伯爵茶，飲到清甜嘅果味，易入口；Sor berries 奶昔充滿果香，又有酸甜滋味，吾會太甜。