Nomad (已結業)

星期日同朋友出街，但外面陰天天氣唔好又落雨唯有去Cafe嗰度坐下傾吓計。呢間Cafe有兩層，樓下有樓梯嘅打卡位，我哋俾人安排咗去第二層。第二層其實環境有啲暗。因為完全遮住咗個窗但係就有種工業風嘅感覺。餐牌有lunch set揀，同埋Cafe必備嘅嘢飲餐牌 。菜式有啲似日式同外國菜fusion嘅感覺<蒲燒鰻魚漢堡>睇相都知我條鰻魚有幾大啦，突晒出嚟，呢個配搭都真係幾特別。唯獨是我覺得佢嘅口感唔夠豐富因為除咗鰻魚同埋幾條菜之外，入邊係冇任何配料嘅。隔離嘅薯條反而有驚喜，佢係一個青檸鹽味薯條，食落去鹹得來又有少少清新嘅感覺，都幾開胃㗎。<cappucino>呢度嘅咖啡比出邊嘅咖啡大杯，而且佢個拉花都好靚。非常滿足既一餐！