LIFETASTIC Patisserie (創紀之城五期(apm))

營業中

休息中

之前去澳洲miss咗去食呢個西瓜蛋糕。後尾香港開分店，仲要越開越多。趁朋友要移民，點都要買個同佢farewell。由於一大班人所以買咗個大嘅。價錢嚟講係有少少偏貴嘅，但係都試下啦。其實佢最好預早訂比去到鋪頭現買好啲。打開個蛋糕，已經聞到陣陣花香味。佢表面嘅食用玫瑰🌹都真係幾出色好睇得嚟又够香。分層都做得好好。見到佢層層分明。由於佢有層係西瓜，個蛋糕都比較易有出水嘅情況，最好買咗就盡快食。我哋嗰時遲咗食都有少少出水。佢嘅味道都好特別，好濃郁嘅花香味，加上西瓜嘅清甜味。食完之後成個口腔都係嗰陣玫瑰花香味。如果係鐘意花香嘅人會好鐘意。但我個人就麻麻啲呢陣味。同埋唔係好食到蛋糕，對我嚟講呢個都必係可以叫做蛋糕。但個體驗係幾新奇嘅。如果未食過想試下呢個新奇嘅蛋糕都係好嘅。