404 Plant (已結業)

香港並唔多專飲milkshake嘅地方，好似嚟嚟去去都係嗰幾間，咁啱有次食完晏經過依間小店話有milkshake, 就幾錢都試下！入到去一心諗住飲士多啤梨milkshake, 但佢話只係入咗曲奇味雪糕，可能要下個月先有士多啤梨味....我糾結咗陣結果都係想試下，所以曲奇味都照要！等嘅時間比較耐，收銀店員要入返去廚房一齊幫手整，結果舖頭有幾個客人想嗌外賣都要等一段時間。間舖頭比較窄，但好有美國潮玩嘅感覺，好適合打卡，好特別。但杯嘢飲到手嘅時候都有啲失望，因為偏細杯。第一啖飲落去好濃郁，好明顯係啖啖雪糕打出嚟嘅奶昔。但飲咗半杯開始覺得有啲過甜，唔係好飲到落去。唔知關唔關冰同雪糕嘅比例事。