大飯糖甜品小食屋 (已搬遷) 新店位置

大飯糖真係不得不贊，令到我差唔多每個禮拜都會黎食糖水，因為有中式同中西式甜品，又可以加好多配料，上菜快，份量適中，價錢合理今次就同大家介紹下我比較中意食嘅幾款糖水。灰姑娘，有芝麻糊、西米露、小丸子、芝麻雪糕，特別要提小丸子，因為煙煙韌韌好有好感，芝麻糊同西米露撈埋真係好似灰姑娘咁XD紫霞仙子，有紫米露、西米露、小丸子、香芋雪糕，真係好香~芒果河粉，依度嘅芒果又多又大舊又甜，河粉又厚又長又重椰子味，兩個夾埋就係絕配。朱古力天堂，上面係朱古力軟雪糕，下面有紅豆粒、小丸子、朱古力脆卜卜，最底係超濃嘅朱古力奶凍，溶咗嘅雪糕同下面一齊食就係好正~聽聞會係沙田開分店，大家一定要試下。