炭火紫菜包飯 (已結業)

8個人聚會，雖然唔係第一次食韓國野，但係見依間出名大大件嘅紫菜包飯，於是去試下。餐廳規定8個人要叫8樣野，所以我地叫咗4款紫菜包飯同埋2個2人部隊鍋。紫菜包飯一碟有十幾件，雖然價錢同其他韓式餐廳嘅壽司差唔多，但係就闊好多，而且好足料，飯唔會偏多，除咗主食材之外，仲有好多餡，例如泡菜，蛋，蟹柳，青瓜，成舊放入口食，咁就唔會咁易散，超有滿足感~ ●炭燒豬肉紫菜包飯，真係有炭燒味，好香，將一片豬肉捲起黎食落好有層次感 ●烤牛肉紫菜包飯，乾乾地嘅牛肉同濕濕地嘅餡料一齊食好夾，味道又唔會俾餡料遮蓋 ●雞肉沙律紫菜包飯，雞肉啲味有啲淡，唔係幾食得出 ●吞拿魚泡菜紫菜包飯，吞拿魚同泡菜唔係幾夾，都係食唔出吞拿魚味 2人部隊鍋可以揀2款年糕+1款麵+1款配料+1款飯，份量夠足 ●芝士年糕+烤肉年糕+拉麵+魚餅+炒飯，加咗芝士嘅部隊鍋冇咁辣，又可以同拉麵一齊拉下芝捲住食~如果年糕多啲就好，烤肉有啲似紫菜包飯嘅肉，魚餅夠多~ 食到最後先會俾炒飯，炒飯好似軟身嘅鍋巴，焦焦地咁好香，得栗米做配料，可以撈落去部隊鍋整成泡飯~ ●午餐肉年糕+烤肉年糕+拉麵+魚餅+炒飯，因為冇芝士，所以比較辣同濃，好開胃~ 值得一