澳門氹仔葡式餐館

營業中

休息中

揸車去到呢間元朗錦綉花園的葡式餐廳，非常期待食餐好味既晚飯，果然冇揀錯。之前食過豬骨煲，好濃郁，今次叫咗個奇味雞煲，辣味非常足夠，雞切到一口大小，夠哂嫩滑，食落啱啱好。我地叫咗自家手打蝦滑同鵝腸，加埋附送既生菜、芽菜、豆卜，加湯之後，就開始打邊爐。蝦滑好新鮮，熟咗浮上面，即刻夾黎食，爽口彈牙。鵝腸都唔輸蝕，不過我地淥耐咗少少，變得有d「韌」。食到飽飽地，見到隔離枱叫咗個小食，估唔到晚飯時間都有得食，我地跟住叫咗一件，豬扒包。豬扒超級大塊，煎得香脆，夾係塗咗少少蒜茸既包裏面，每一啖咬落去，都係味蕾既享受。叫埋杯椰香雪泡，涼浸浸。最後埋單時，伙記話有糖水食，每人有一碗，不過就麻麻地，太甜了。