Electric Ave (已搬遷) 新店位置

好想食burger，咁啱見到易位架寫住有lunchset，$60-$70就有burger，所以黎咗食。可能因為下晝，所以冇咩人，環境寧靜。點完之後發現原來包埋薯條同飲品，幾抵。我點咗個叫HKU burger，大細適中，不過我一啖咬唔哂成個包，要分開食。入面嘅主菜牛肉勁厚，超軟，不過有啲乾。入面嘅配料多到唔記得，有煙肉、煎蛋、芝士、蕃茄、瓜等等，好有層次同口感。煙肉煎得好香，又唔會蓋住牛肉嘅味，其他嘅配料令到成個包咁乾。佢有加到一款特別嘅汁落去，一咬啲汁就流哂出黎><薯條新鮮炸出黎，長度一致，好脆。凍檸茶略厭有啲甜，檸檬得好少片，冇咩檸檬味。