影片
更多
2010-08-11
456 瀏覽
今次打孖為兩位8月份生日嘅朋友慶祝。我負責出 e-mail 俾廿幾個朋友，另外，好識食果位朋友建議嚟呢度食。點知出 e-mail 之後，無咩人覆，攪到我無哂心情！起初，我聽到<寧波旅港同鄉會>呢個名，我以為係私人會所，原來係間酒樓！食上海及寧波菜。一上到去，見到門口註明 "會員專用"。咁啱我個朋友正係會員！當晚所有食物由佢發板！我哋 5 個人，叫咗：1) 素鵝拼豬手呢味前菜，係一冷一熱。熱嘅係素鵝，而豬手係凍食！兩者同樣要蘸醋，前者蘸黑醋，後者蘸醋。我梗係趁熱先食素鵝啦！腐皮煎得金黃色，略帶些硬身，入面包咗磨菇絲，味道算唔錯！至於豬手，十分滑，一夾嘅時候先跌落枱，再夾就＂撲＂一聲跌落碗醋到，真失禮！ 結果，嚿豬手浸完醋 SPA ，我才可品嚐一番！本身雪過之後夠爽身、幾彈牙同入哂味！2) 烏筍海蜇頭呢個餐前小食！雖然賣相不錯， 但味道淡了一點；如果加埋麻油就更好味！海蜇頭晶瑩剔透、比一般條狀海蜇更有口感，很爽口！唯獨無咗一點煙韌。烏筍顏色似西芹，食起嚟似青瓜咁爽！我都喺第一次食烏筍，感覺清新！3) 糟溜魚片咁多味菜，我最鍾意食呢個。 以花雕酒做芡汁，甜甜地仍不失酒味。就算
起初，我聽到<寧波旅港同鄉會>呢個名，我以為係私人會所，原來係間酒樓！食上海及寧波菜。
一上到去，見到門口註明 "會員專用"。咁啱我個朋友正係會員！當晚所有食物由佢發板！
我哋 5 個人，叫咗：
1) 素鵝拼豬手
呢味前菜，係一冷一熱。熱嘅係素鵝，而豬手係凍食！兩者同樣要蘸醋，前者蘸黑醋，後者蘸醋。我梗係趁熱先食素鵝啦！腐皮煎得金黃色，略帶些硬身，入面包咗磨菇絲，味道算唔錯！至於豬手，十分滑，一夾嘅時候先跌落枱，再夾就＂撲＂一聲跌落碗醋到，真失禮！ 結果，嚿豬手浸完醋 SPA ，我才可品嚐一番！本身雪過之後夠爽身、幾彈牙同入哂味！
2) 烏筍海蜇頭
呢個餐前小食！雖然賣相不錯， 但味道淡了一點；如果加埋麻油就更好味！海蜇頭晶瑩剔透、比一般條狀海蜇更有口感，很爽口！唯獨無咗一點煙韌。烏筍顏色似西芹，食起嚟似青瓜咁爽！我都喺第一次食烏筍，感覺清新！
3) 糟溜魚片
咁多味菜，我最鍾意食呢個。 以花雕酒做芡汁，甜甜地仍不失酒味。就算我唔飲酒，都接受到。幾塊黑色木耳墊底，面頭好多魚片，黑白分明！魚片夠滑又唔腥，而且唔會一夾就散，但係大家食極都食唔出係咩魚嘞！相信唔會係班片啦！邊有咁 so 呀！
4) 豆瓣莧菜
聽到豆瓣，以為同豆瓣醬有關！原來係剝咗殼嘅新鮮蠶豆與蒜頭炒莧菜。呢個配搭出嚟效果唔差喎！都幾香，睇真啲，油咗少少！莧菜同埋蠶豆軟身又夠腍，對鍾意食清淡嘅朋友，確實係一個唔錯嘅選擇！
5) 雞火乾絲
以材料簡稱取其名：「雞」絲、金華「火」腿絲、豆腐「乾絲」，仲有白菜。相信最考功夫非呢道菜莫屬！豆腐乾砌得超幼細，金華火腿絲亦唔例外。以金華火腿嘅咸味滲入豆腐乾，惹味非常！白菜入味不在話下，加上夠哂多汁，如果餸飯真係一流！可惜，我哋連粉麵飯都無叫到！至於雞絲比較欠奉，得幾條仔，仲要唔係手撕雞絲，係細細條半透嘅雞柳絲。
6) 家常餅
大家當係蔥油餅，因為入面有好多蔥粒，仲有芝麻好均勻舖滿面頭。剛剛煎起熱辣辣，未食已經聞到好香，香脆得嚟夠鬆化，真係食得好滋味。不過，經高溫油煎，索咗唔少油，實在太飽餾！ 我食咗一塊已經投降！剩餘三塊，不得不讓給三位男士食！
7) 炸銀絲卷
銀絲卷炸得金黃，砌開 4 件。雖然我好想食，都係讓俾佢哋食！大家起碼可以一人一件唔使爭！
8) 炸湯圓
起初以為用麵包糠包住湯圓攞去炸！反而係湯圓面包住白芝麻去炸！外表炸得金黃，賣相好似煎堆。名不副實外脆內軟！入面係熱辣辣嘅流心黑芝麻蓉。 怪不知個朋友好細心 remind 大家，食到中間小心燙口！
其實，呢度都坐得幾舒服，唔會覺得迫！
埋咗單，聽見朋友 06 年嘅會員費$20，係永久會員；問吓而家會員費幾錢？已經飆升至$100，豈不是每年加$20？！
張貼
