無極冰廳 (樂居樓)

營業中

休息中

之前都見到呢間餐廳大排長龍，今日經過灣仔，所以都忍唔住去食。其實我見好多人都會叫佢嘅蛋包飯，似乎好惹味。而我自己偏愛麵類，所以就叫左碟名古屋牛肉炒稻庭烏冬（午餐時段$66，下午茶時段就會平啲）。碟烏冬送到嘅時候熱辣辣，而醬料都十足。我自己特別鍾意食佢嘅牛柳，份量好多，件件都好大塊。唔好太韌太硬，嫩得黎好容易咬，口感亦都好唔錯。味道方面，唔會太鹹，偏甜。我個人特別鍾意食扁烏冬，而佢哋嘅烏冬係手打製作嘅。特別嘅係佢係炒得好乾爽，唔會太油膩。另外我叫左個利賓納特飲（$24），一口烏冬，一口凍飲，十分滿意！