金滿膳燒味餐室 (已結業)

打工為三餐，忙完一個早上，緊係要慰勞吓自己架，但又要好味，夠飽，抵食，快，呢4個條件。咁首選當然係金滿膳！約埋同事去，一邊食，一邊傾，fd 底仲可以share餸呢食，咁先正😝雞扒蛋飯 $50大大隻半生熟燶邊太陽蛋，覆蓋住個飯，加豉油撈飯食，夠港式風味，正呀👍仲有一塊大過手掌，煎到金黃色的雞扒😋見到都流晒口水啦！金滿膳燻香燒鵝髀飯$128燒鵝髀飯好大碟，燒鵝髀大大隻，燒得好靚，燒鵝髀D皮少少脆脆地好香，油脂適中，又唔會太肥，鵝肉嫩滑的，超正！碟頭飯咁高水準，值得人一再品嘗！說話餐廳有幅好有香港特色的牆，招牌名用霓虹燈，食物又係香港地道食物，成件事掂呀。