龍鳳食堂

營業中

休息中

間唔中都會過嚟荃灣沙咀道呢邊啲工廈做嘢、送貨，最近食咗幾次呢間龍鳳食堂，啲嘢食都唔錯，最緊要就係性價比高，平平哋好抵食可以醫肚。呢日就揀咗個現炒豉椒排骨飯，都真係幾好食，好夠鑊氣，啲汁唔會好鹹，撈飯啱啱好。排骨份量都幾多，好足料，豉椒、洋蔥、青椒，呢啲都好多，排骨肉質正正常常唔會話好韌。午市飯餐有湯有嘢飲，例湯唔係只有水非常足料，咁啱呢日係青紅蘿蔔豬骨湯，飲落都似冇味精嘅。包埋嘢飲，叫咗杯凍華田，都真係好抵食，唔怪之得午餐咁爆。相信下次嚟荃灣都會過返嚟呢邊，始終晏晝都唔想食咁貴。