王牌冰室 (九龍貿易中心) (已結業)

今次來王牌冰室食午餐，午餐時間都係人山人海，全個餐廳坐滿人，要入座嘅時候都要等一等，但等候時間都算快， 5分鐘左右就入得。入到去立即可以落單，等5分鐘左右就上到餐，速度算係好有效率。今次食咗個經典常餐（瑞士雞翼撈麵），常餐加兩蚊轉配蒜蓉多士，個多士上面嘅蒜蓉真係一啲都唔孤寒，份量好多，蒜蓉味好香濃，鍾意食蒜蓉嘅朋友，值得一試呢個蒜蓉多士。炒蛋正常，瑞士雞翼撈麵的雞翼都入味，但全翼食起上嚟有少少唔方便，個人來講都係prefer雞中翼多點，但如果撇除方便呢個考慮，個瑞士雞翼撈麵嘅整體味道都算唔錯。