吞POT 雞煲火鍋.住家菜

營業中

休息中

一大班朋友約出嚟食飯最好梗係打邊爐，一邊滾下滾下，一邊傾吓偈🫶🏻真係幾開心，一解返工既悶氣，所以打邊爐真係香港人至愛！尤其岩曬最近既天氣，凍凍地岩曬打邊爐😆呢排食得重口味嘅嘢太多，所以我哋湯底叫得清淡啲😄皮蛋芫荽湯拼鮮魚湯。咁樣夏天打邊爐都唔怕上火😝冇咁熱氣。魚湯亦都有好多骨膠原，夠養顏 。仲要係一啲都唔腥。連平時唔飲魚湯嘅我都鍾意👍🏻見到餐牌有推廣，新鮮本地手切騸牯牛即刻叫咗份嚟試吓。真係好高質！牛肉質嫩滑，脂肪油花豐富而肥美。用嚟打邊爐真係最啱，尤其是配上唔係咁濃味嘅湯底，更加食到牛肉本身嘅肉味。一定要keep住呢個配料😜下次都一定會再叫。