裕興咖啡 (已結業)

中環鐵皮屋裡的裕興排檔，他的早餐不是容易食到的。一來佢八點半成九點先開工，二來由於每份多士都是老細收到order先開始製作，等上半個鐘是等閒的事。如果要返九點準時，基本上係無可能食到。今日有會議喺呢頭開，特登過嚟試下佢有乜吸引力。呢張餐牌係幾年前影的，而家應該加咗價了。鍾意重口味嘅我叫咗『炒蛋雙拼三文治』配鹹牛肉，加椰菜，盛惠$36蚊。隨手搵張膠凳坐低，靜候佳音。等足25分鐘後，終於可以開餐。烘得微脆嘅麥方包中間有誘人嘅咸牛肉炒蛋，夾雜椰菜絲，同埋『流心』嘅花生醬。一入口，熱辣辣要飲返啖凍奶茶。如果唔係裕興，我大概唔會知道炒蛋、椰菜同花生醬係可以擺埋一齊的。事實證明，咁多年嚟都無第二間食肆做到佢嘅味道，抵佢要等咁耐。