四喜冰室 (已結業)

最近我成日喺九龍灣出沒 lunch hour出街食飯嘅打工仔真係好多🤕 好彩呢頭都有好多餐廳選擇 今日嚟咗呢間位於其士商業中心地下嘅茶餐廳 lunch time都幾多人幫襯 一個人就比較易搵位 中西式嘅飯餐都有得揀 我叫咗煙肉奶油焗雞扒飯 本身都有啲擔心叫焗飯會製作需時😂 因為要趕住上翻office做野😿 不過原來我諗多咗 個飯大概五分鐘之後就嚟啦 焗飯熱辣辣咁上檯 見到面頭邪惡至極嘅芝士就真係流晒口水 雞扒唔會焗得太乾身 咬落口仲有肉汁既 飯亦都有炒底👍🏻 個芝士汁真係好濃郁 啱晒我呢個芝士怪 洋蔥同煙肉真係好夾 不過啲煙肉就有少少韌整體嚟講 呢個午餐嘅質素都可以講係高於一般 五十幾蚊包飲品都okay 九龍灣普遍食飯都較貴 搵到呢間平平地食個午餐嘅餐廳都幾驚喜 都係一個好選擇🐷