營豐海南雞專門店 (已結業)

今日落街買外賣上樓食，途經呢間轉角新開既營豐海南雞專門店，望望餐牌見到午飯大多數都係$40樓下，真係要試下。午飯選擇都有9款。另外仲可以叫單隻雞。除左主打海南雞，仲有囗水雞、鹽水雞、醉雞等，今次我就試試香茅煎豬扒飯。飯加例湯只係$38，係現今物價騰貴既香港真係平。飯方面可以選擇白飯或者黃薑飯，黃薑飯香味十足，返到屋企大約10分鐘後口感仍然粒粒分明。香茅豬扒亦夠大件，唔韌之餘外皮煎得夠香，真心抵食。而家午餐郁啲就$50以上，令我呢啲打工一族更難儲錢，好彩營豐開係屋企附近，以後就係我既食堂！