影片
更多
2014-06-22
2775 瀏覽
20140621 「女人的浪漫」莫過於係假期入面可以同朋友做facial + masaage鬆鬆再搵地方食野吹水再hea今日同hea腳昆梨子鬆完4點幾去譚仔食tea既時間講起沙田開左間新既韓食店School Food其實去過3次韓國都有見過呢間連鎖小食店，不過韓國咁多野食，你又點會甘心嘥左個quota食佢正如你去日本唔會食吉野家，去印尼唔會食印尼撈麵一樣道理好啦，就當係尋找家鄉的味道，擇日不如撞日就試呢個野當dinner啦去到NTP，正如我地預期一樣，人多到呢......(下刪100字怨言)，不過講真呢期韓風吹得咁行，基本上而家係HK求其開間韓食店都會大把人排住食，食韓菜要等是常識吧! 我地大約6點半拎飛，都打定數起碼2個鐘先有得食，拎完飛就去行街，2個鐘返泥後依然有咁多有毅力等既人，當下我地都有諗過想放棄，但排左2個鐘，唔甘心唔食，4點食既譚仔都消化晒，惟有上上面city super一人隊一杯雪糕吊住命先....最後，我地係用左3個鐘，足足3個鐘成9點半先入到佢食，心諗你最好真係有咁好食!!!打開menu，基本上5分鍾可以睇晒有咩食，我地total點左4款食物 : 烏卒卒墨魚kim
「女人的浪漫」莫過於係假期入面可以同朋友做facial + masaage鬆鬆再搵地方食野吹水再hea
今日同hea腳昆梨子鬆完4點幾去譚仔食tea既時間講起沙田開左間新既韓食店School Food
其實去過3次韓國都有見過呢間連鎖小食店，不過韓國咁多野食，你又點會甘心嘥左個quota食佢
正如你去日本唔會食吉野家，去印尼唔會食印尼撈麵一樣道理
好啦，就當係尋找家鄉的味道，擇日不如撞日就試呢個野當dinner啦
去到NTP，正如我地預期一樣，人多到呢......(下刪100字怨言)，不過講真呢期韓風吹得咁行，基本上而家係HK求其開間韓食店都會大把人排住食，食韓菜要等是常識吧! 我地大約6點半拎飛，都打定數起碼2個鐘先有得食，拎完飛就去行街，2個鐘返泥後依然有咁多有毅力等既人，當下我地都有諗過想放棄，但排左2個鐘，唔甘心唔食，4點食既譚仔都消化晒，惟有上上面city super一人隊一杯雪糕吊住命先....
最後，我地係用左3個鐘，足足3個鐘成9點半先入到佢食，心諗你最好真係有咁好食!!!
打開menu，基本上5分鍾可以睇晒有咩食，我地total點左4款食物 : 烏卒卒墨魚kim bab﹑ 水冷麵﹑ 地獄辣醬年糕﹑ 脆雞伴大蔥沙律.....order完後基本上食物等15分鐘左右都上齊晒!
總結，食物選擇唔多，味道普通，驚喜不大，加上要等足3個鐘先有得食，真心唔值得，所以狠心冇take two，試過就好，可以close file! 張貼
