影片
更多
2013-06-21
154 瀏覽
我係第一次幫襯這間餅店，睇電視知道Amanda開咗一間蛋糕店係中環，最初以為係大街，查下先知係ifc呢個咁高檔的地方。但因為明天係一個重要的日子，要為自己打打氣，點都要試下。佢的蛋糕都幾特別，聖安娜/美心係唔會有呢啲款式。我今次試咗兩款，一個係櫻桃味叧一個係桃味。 最特別係佢個包裝，一個三角椎體，好似一個女仔手袋，有條蠅掛住方便攞。講番啲蛋糕先，櫻桃味的macaron上面有又一個好迷你的macaron企係上面，令到個蛋糕好望落去好似一頂英國女士帶的帽咁。至於桃味那個，有啲似一憧高樓大廈，個頂放咗桃，佢唔係好似其他地方毫無新意咁一舊放係到，而係切一片片放出來，感覺就好似憧樓set咗個好靚的頭咁。憧大廈個身係用卷蛋的方法來正，卷完打直放，用叉來食好易會散開，一散開個靚靚的頭就會跌咗落來，都幾手忙腳亂架，要好小心食。兩個蛋糕的味道都唔係好甜，鬆軟，都幾好食；但講到價錢就.........雖然佢無Tony Wong咁貴，但係由於佢位於ifc，所以平均都要40幾蚊一件。我呢啲打工仔都係間唔時食下好啦！！
佢的蛋糕都幾特別，聖安娜/美心係唔會有呢啲款式。我今次試咗兩款，一個係櫻桃味叧一個係桃味。
最特別係佢個包裝，一個三角椎體，好似一個女仔手袋，有條蠅掛住方便攞。
講番啲蛋糕先，櫻桃味的macaron上面有又一個好迷你的macaron企係上面，令到個蛋糕好望落去好似一頂英國女士帶的帽咁。
至於桃味那個，有啲似一憧高樓大廈，個頂放咗桃，佢唔係好似其他地方毫無新意咁一舊放係到，而係切一片片放出來，感覺就好似憧樓set咗個好靚的頭咁。憧大廈個身係用卷蛋的方法來正，卷完打直放，用叉來食好易會散開，一散開個靚靚的頭就會跌咗落來，都幾手忙腳亂架，要好小心食。
兩個蛋糕的味道都唔係好甜，鬆軟，都幾好食；但講到價錢就.........雖然佢無Tony Wong咁貴，但係由於佢位於ifc，所以平均都要40幾蚊一件。
我呢啲打工仔都係間唔時食下好啦！！
張貼
