瑞士咖啡室 (已結業)

上星期去將軍澳醫院, 途經這間瑞士咖啡室入去食下午茶, 本來食物唔錯都幾好味, 但係... 事源係我自己不小心打瀉了飲品, 潑到了成身濕哂, 我枱近5、6步位置有個中年男人waiter 和1個嬸嬸waitress完全冇發現我打瀉了飲品, 當我企起身問個waiter攞d餐巾, 個waiter揸住塊抹枱布望下我後大聲同我講“你出嚟啦”我出去後, 佢行入我個卡位指住我個已經俾飲品整濕嘅電話“你攞番個電話”可能佢要抹枱, 正當我手足無措時隔壁枱有個食客大叔幫我出聲“你咃攞d紙巾俾人抹下先啦”跟住大叔在佢枱攞疊紙巾俾我, 個waiter見有個人申出"正義之手"時就走返入去, 另外個嬸嬸waitress即刻沖番杯飲品俾我, 但係果一刻我係要紙巾而唔係飲品.打瀉飲品係隨時都會發生, 但從來沒有試過會咁樣, 如果不是隔壁枱大叔幫我, 我諗我會更加狼狽. 雖然後來個經理追住講 sorry, 但都無補於事, 這間餐廳我應該唔會再去...