周師傅點心 (已結業)

周師傅點心座落於深水埗北河街這個不顯眼嘅地方，從個餐廳名就以為佢係一間好傳統嘅老式點心店，入到去先發覺並唔係呢回事。鋪面不大，但坐滿了人，有老人家也有後生的。點心有傳統嘅，亦有創意新派點心。傳統嘅杞子桂花糕好香桂花味，好滑呢個打破傳統嘅粒粒奶凍咖啡糕，咖啡味好香，夾雜著粒粒奶凍，多重嘅口感，感覺新奇又好味。脆皮馬拉糕外脆內軟，佢保持到傳統馬拉糕嘅鬆軟同蛋香，但脆脆嘅外皮令口感有更豐富嘅層次一般嘅蝦多士都炸得油立立，但周師傅呢個寫明係非油炸蝦多士，所以好乾爽，芝麻味好香，蝦膠好彈牙。XO醬炒蘿白糕，蘿白糕大大粒，XO醬好惹味，又唔會太辣， 配菜有好爽口芽菜同西芹，夾埋一齊食好好味。最後叫多個傳統金銀蒜蒸排骨，蒜蓉味好香，排骨蒸得啱啱好，好彈牙，肥膏又唔會太多，掂呀！唔飲茶嘅其實都可以揀汔水，奶茶檸茶之類，啱晒我地呢d怕飲熱嘢嘅人。