Hansik Goo

營業中

休息中

Item: Hansik Goo
Rating: 5
Author: nykgloria

4.5

72 食評

味道

環境

服務

衛生

抵食

13672

中環

$801以上

韓國菜酒 Fine Dining

條款及細則:
餐廳:	Hansik Goo
優惠:	於此國泰夥伴餐廳用餐賺里 ! 國泰會員於夥伴餐廳消費可賺高達HKD4 = 2里數。受有關條款約束。
立即加入國泰會員計劃，今日開始累積里數！
國泰會員每次可賺取「亞洲萬里通」里數之消費額上限為港幣10,000元。會員於國泰夥伴餐廳作合資格消費，每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數，包括合作夥伴餐廳合資格消費之餐膳里賞（每港幣4元賺取1里數）及基本餐飲類別之合資格簽賬獎賞（每港幣4元賺取1里數）。賺取之「亞洲萬里通」里數將根據餐飲與膳食消費，包括服務費、稅項及小費的總和而計算。惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。賺取的「亞洲萬里通」里數將於認可餐膳消費交易後10個工作天內存入會員的賬戶。

須受其他國泰條款及細則約束。

nykgloria

等級3

米芝連一星Korean fine dining 人均消費：$1600總結：值得一試———————————————————————————Hansik Goo打破我對韓國料理嘅刻板印象，每一道菜都令我地有驚喜嘅感覺.首先入到餐廳，同事們親切熱情嘅招待令我地好快進入放鬆嘅狀態，準備好迎接呢一餐令人回味嘅晚餐. 餐廳環境舒適，燈光柔和（柔和到有催眠作用），整體感覺就好似同朋友喺屋企chill咁.餐廳同事好詳細咁同我地講解menu上嘅菜式，好喜歡佢地energetic嘅vibe，好吸引到我地聽佢地嘅講解. 佢地會好仔細講解每道菜嘅做法、特式同埋解議食法，一整晚除左享受美食之外，亦學習到唔少關於韓國菜嘅文化.好快迎來頭盤 - Clam Juk - 充滿蜆味嘅粥，底下有蒸蛋，面頭伴似魷魚、魚子醬同埋好似海苔咁嘅伴菜，非常鮮美，好似成個海喺個口入面咁.然後係兩款唔同做法嘅蠔，呢道菜相對簡單，蠔肉好鮮甜.下一道菜係一道開胃菜 - Naengchae - 生魚片拌以釜山蕃茄、梨片同埋蘆筍. 魚皮用熱水滾燙過，口感爽脆加上魚肉嘅鮮味同埋蔬菜嘅清新，梅子醋汁稍為酸左啲，如果清番少少就完美.開完胃之後就係一

[Hansik Goo]

米芝連一星Korean fine dining

人均消費：$1600
總結：值得一試

———————————————————————————

Hansik Goo打破我對韓國料理嘅刻板印象，每一道菜都令我地有驚喜嘅感覺.

首先入到餐廳，同事們親切熱情嘅招待令我地好快進入放鬆嘅狀態，準備好迎接呢一餐令人回味嘅晚餐. 餐廳環境舒適，燈光柔和（柔和到有催眠作用），整體感覺就好似同朋友喺屋企chill咁.

餐廳同事好詳細咁同我地講解menu上嘅菜式，好喜歡佢地energetic嘅vibe，好吸引到我地聽佢地嘅講解. 佢地會好仔細講解每道菜嘅做法、特式同埋解議食法，一整晚除左享受美食之外，亦學習到唔少關於韓國菜嘅文化.

好快迎來頭盤 - Clam Juk - 充滿蜆味嘅粥，底下有蒸蛋，面頭伴似魷魚、魚子醬同埋好似海苔咁嘅伴菜，非常鮮美，好似成個海喺個口入面咁.

然後係兩款唔同做法嘅蠔，呢道菜相對簡單，蠔肉好鮮甜.

下一道菜係一道開胃菜 - Naengchae - 生魚片拌以釜山蕃茄、梨片同埋蘆筍. 魚皮用熱水滾燙過，口感爽脆加上魚肉嘅鮮味同埋蔬菜嘅清新，梅子醋汁稍為酸左啲，如果清番少少就完美.

開完胃之後就係一系列令你勁快飽到癲嘅菜式 - 韓牛餃子雪濃湯 - 用牛骨煲左18個鐘嘅雪濃湯非常濃郁，充滿骨膠原嘅口感. 餃子內餡包住韓牛同馬蹄粒，比較清淡，呢道菜嘅主角似乎係個湯. 後面細細碟嘅係age左兩年嘅泡菜，同平時醃開三至六個月嘅泡菜係完全兩回事，一入口有陣甘香味，咬咬下辣味就會滲出黎，好好味🥹

Fish Mandu - 用深海鱸魚代替餃子皮，包住豆腐同肉，面頭有啲肉鬆喺度，呢道菜嘅肉鬆同汁就有啲太濃味，蓋過左個魚味.

今晚最令我地心心眼嘅就係 - Samgye Risotto 2.0 - 一個將韓國人蔘雞湯拆解再重組嘅菜式. 左邊嘅南非鮑魚好香牛油味，勁嫩！（我想講我都食唔少鮑魚但呢舊真係嫩到會滑落你個喉嚨度，但係又唔係冧patpat咁）右邊係炸過嘅雞卷包住牛肝菌，外皮仲係脆嘅，然後個汁有淡淡嘅人蔘味. 中間嘅糯米飯吸收哂雞同人蔘嘅味，一路咬啲人蔘味一路滲出黎. 好正！

我地加個tasting menu以外嘅add on - KFC - 人稱全港最好食嘅炸雞. 佢係一個好好食嘅炸雞，因為個粉夠薄脆，雞夠嫩滑同多汁，最鍾意佢個柚子汁，酸酸甜甜好好味. 但係唔係全港最好食就唔知喇. 😆

已經飽緊嘅時候見到飯😂 - BBQ pork with YUKHWEH bibimbap - 第一次食生牛肉拌飯，好喜歡！牛肉好嫩，加上拌住嘅菜同埋應該係紫蘇葉同埋麻油，飽住都可以食哂. 黑毛豬肋骨充滿煙燻味，嫩滑到唔似豬肉，好好味🥹相比起黎，豬頸肉就有啲普通. 想講下側邊嘅小碟，有一碟係叫做蒜葉，好鬼好食，好食到追加多一碟.

食甜品之前有個梅子雪葩伴烏龍啫喱清下個口.

甜品（唔記得影相🥹）我地試哂兩款 - Deodeok - 沙蔘雪糕伴桔梗醬，好多人對呢個評價麻麻，我自己就幾鍾意，有少少蔘味同埋酸酸地，有消膩作用.

Jang Trio - 大醬焦糖燉蛋上面有威士忌foam同埋脆脆，仲加左少少辣椒粉，咸咸甜甜咁食極都唔夠喉.😝

另外仲送埋芝麻茶餅同埋藥果，芝麻味濃到好似食緊咸蛋王咁，藥果其實係蜜糖做嘅小食. 食完咁多道新式韓國菜之後用番傳統嘅韓國小點作結，非常有心思嘅安排.

值得一讚嘅係食甜品嘅時候，同事們會奉上熱茶，成件事好舒服. 在場嘅所有同事都非常友善，會幫我地影相同埋送左張即影即有比我地. 我地要去洗手間佢地都會好親切咁帶我地去. 服務非常優秀.

以往對韓國菜嘅印象都好有限，朋友黎之前都唔理解點解韓國菜會攞到米芝連一星. 但經過呢次嘅用餐體驗，我地覺得Hansik Goo 每一方面都好優秀，甚至比一啲三星餐廳更值得去. 而且餐廳環境唔會令你有唔自在嘅感覺，如果你係一個鍾意新奇經歷嘅人，Hansik Goo 會係一個好嘅選擇.

******************************
Hansik Goo (中環)
中環威靈頓街198號The Wellington 1樓