影片
更多
2019-02-24
74 瀏覽
天氣又凍返，又係打邊爐好時機！屯門友推介哩度，因有位泊車。其實係泊街，不過夜晚冇人抄牌。呢度有D隱敝，唔係有識途老馬推介，唔係諗到。亦因為哩餐食得好味食得開心，要為大家推介下。坐好老板略略推介，有火鍋，有雞煲，有烤肉。原來咁多選擇。不過來之前已打算食火鍋，所以都係食火煱。要了一碟冷拌青瓜。個酱辣辣地，好開胃。用來點火鍋食物一流。卜卜蜆魚湯湯底。蜆好新鮮，已吐哂沙。食落好之鮮甜。湯底仲有豆腐，娃娃菜，粟米同菇。牛肉永遠都係火鍋主腳。本地牛脊肉，够新鮮脂肪及牛比例好。又够牛肉味又唔"鞋"。比起美國肥牛，我中意哩隻。海蝦極新鮮，真情仲係生的。肉質十分彈牙，配合魚湯湯底，好有海鮮味！推介！墨魚滑有驚喜。一般食過嗰D係打到好膠。哩度可能打完再混返D墨魚粒粒。所以食落又彈牙又有咬口，墨魚味同質都有！鮮魚卜(即係魚標)，好鮮。只要你烚到剛剛好，你食落會索索聲，好咬口又有鮮味。响鈴係新鮮炸的。凈食好酥脆。放湯要快起，我中意一半冧一半脆，一半索咗鮮湯味一半香酥，然後一齊係口腔中融合而散發出多層次的美味和口感。哩度的薯粉好特别，好長好闊。食時好Q Q好彈牙。佢好大份下，食完好飽。建議最後先食。炸魚皮亦不錯
屯門友推介哩度，因有位泊車。其實係泊街，不過夜晚冇人抄牌。呢度有D隱敝，唔係有識途老馬推介，唔係諗到。亦因為哩餐食得好味食得開心，要為大家推介下。
坐好老板略略推介，有火鍋，有雞煲，有烤肉。原來咁多選擇。不過來之前已打算食火鍋，所以都係食火煱。
要了一碟冷拌青瓜。個酱辣辣地，好開胃。用來點火鍋食物一流。
卜卜蜆魚湯湯底。蜆好新鮮，已吐哂沙。食落好之鮮甜。湯底仲有豆腐，娃娃菜，粟米同菇。
牛肉永遠都係火鍋主腳。本地牛脊肉，够新鮮脂肪及牛比例好。又够牛肉味又唔"鞋"。比起美國肥牛，我中意哩隻。
海蝦極新鮮，真情仲係生的。肉質十分彈牙，配合魚湯湯底，好有海鮮味！推介！
墨魚滑有驚喜。一般食過嗰D係打到好膠。哩度可能打完再混返D墨魚粒粒。所以食落又彈牙又有咬口，墨魚味同質都有！
鮮魚卜(即係魚標)，好鮮。只要你烚到剛剛好，你食落會索索聲，好咬口又有鮮味。
响鈴係新鮮炸的。凈食好酥脆。放湯要快起，我中意一半冧一半脆，一半索咗鮮湯味一半香酥，然後一齊係口腔中融合而散發出多層次的美味和口感。
哩度的薯粉好特别，好長好闊。食時好Q Q好彈牙。佢好大份下，食完好飽。建議最後先食。
炸魚皮亦不錯，脆，好脆。凈食同放湯快起都好！
鵝腸好肥美。好大碟，好抵！
其他仲食咗韮菜食餃，雲吞，生菜，西洋菜，烏冬等。烏冬同我食開的「真打」烏冬一樣。生菜當然新鮮，連用來墊鮮蝦上碟的那一片也很新鲜！
大排檔招呼服務亦十分好，仲特别整個風擋，等D火旺D，湯滾D。亞姐老板同食客好有交流好friend. 成個場好有氣氛！打邊火爐氣氛係好緊要的！
臨走經過隔離枱，聞到佢個雞煲好香！下次要試下！
張貼
