沙田頭火鍋 (已結業)

好耐冇同朋友出去打邊爐，知道旺角近砵蘭街嗰邊有間打邊爐好出名就去試吓，地鐵站一出行5分鐘就到非常方便，店舖有兩層座位都寬敞，我哋坐喺近門口嘅位置，我哋點咗港式打邊爐必點嘅菜式，湯底方便我哋點咗胡椒豬肚，湯底嘅味道非常鮮味，用嚟亂下個肚非常好，餸菜方面我哋嗌咗美國肥牛，響鈴，炸雲吞，鯇魚，手打墨魚滑，魚片頭，烏冬，仲有黑豚肉，肥牛同埋黑豚肉脂肪比例剛剛好唔會太過油膩，放落去大概30秒就食得，炸雲吞炸得好香口唔會過火，而呢度嘅鯇魚食落去好鮮甜，墨魚滑爽口彈牙而且有唔同口味可以任你選擇，個人推薦先飲湯底暖下個胃之後就可以食火鍋配料，除此之外佢有時令海鮮會推介俾大家，但係我哋兩個人實在夾唔到太多，下次有機會可以試吓呢度嘅海鮮，同埋記得預約過嚟，因為去到禮拜六日就會好多人要排隊。