蘇潮韓海火鍋私房菜

營業中

休息中

終於到打邊爐嘅季節🔥呢間之前同屋企人食過一次打邊爐唔錯，第二次黎依舊有水準。除咗打邊爐配料，原來仲可以另外嗌小菜咁食～向西豬骨煲本身已經有粟米同豬肉做配料，豬肉香軟，打邊爐打到一半再蘸埋豉油食更添風味。個湯飲落去係舒服嘅豬骨湯，口感順滑，唔會過份重口味。最鍾意係手切安格斯牛小排，肉味香濃，口感軟稔，肉香滿滿😋😋招牌四式拼粒粒飽滿，皮夠薄，比例岩岩好。鹹蛋黃配炸物真係冇得輸，黃金鮮魷沾滿鹹蛋黃，充滿鹹香，趁熱食脆卜卜。最後嗌咗一杯好打卡嘅星空梳打，打邊爐當然要配有氣飲品先爽😋朋友就另外叫咗杯百香果，相對地就會清新啲，酸酸甜甜咁。