老鍋台式火鍋 (京都廣場) (已結業)

無論熱天、冷天、中午或夜晚，我都好鐘意食火鍋，但最鐘意一定係台式火鍋，因為我個人抵擋唔到麻辣鴨血！呢日同個朋友係銅鑼灣shopping完好需要補充體力，剛好地鐵站旁就有呢間，仲有lunch set，就立刻坐低。呢到有提供一人、二人、同四人火鍋套餐。我地最後要左兩個一人鍋，因為依家防疫意識仲好強，感覺咁樣衛生d。呢到裝修好有feel，真心覺得好似去咗台灣咁，有哂天燈！座位又夠大，又舒服，最緊要就感覺乾淨，餐具座位都冇黐立立！呢到醬料區每樣嘢都好大碟，我平時一攞就攞好多，所以如果個container太細，我會攞得冇咁安樂，覺得下一個人可能又要等餐廳refill，呢到就冇呢個擔心，可以放心盡攞，岩哂我呢啲重口味人！一人火鍋套餐都冇馬夫，有肉有菜竟然有埋王子麵！我好耐冇食過，好鐘意呢種麵d口感！最後仲有一杯飲品，$78抵食到暈啦！