牛大人台灣火鍋吃到飽 (偉華中心)

營業中

休息中

都去過偉華中心嘅牛大人幾次，每次都覺得唔錯。首先，佢嘅食材新鮮，質素都keep到。係牛大人打邊爐最好係可以揀唔同嘅餐，豐儉由人。價錢都唔太貴。食物種類都算多。有唔同嘅台灣小食，牛肉，仲有自助bar㨂。鐘意食台灣小食嘅唔好錯過。湯底方面，我最鍾意佢嘅麻辣湯底，辣味剛剛好，唔會太辣，但又夠味，真係好正！另外，佢嘅湯底款式好多，如果唔鍾意辣嘅朋友，都可以揀清湯、芫荽湯，酸菜白玉等等。可以揀1個湯底或者兩個湯底都得，不過兩個湯底要加少少錢。嘢食方面佢每次上嘅分量唔太多可以滿足食多啲款式嘅慾望，唔錯🤣。嘢飲方面好鐘意冷泡茶。次次好鐘意飲烏龍桂花茶。而佢嘅嘅服務都算係正常。每次落單都冇話漏嘅。次次去都食足90分鐘，食到好飽。