靚煲皇 (已結業)

雖然天氣熱左, 但無損幾個人打邊爐既興趣, 最佳地方當然係靚煲皇, 因為食物夠新鮮.要個靚煲皇招牌煲, 剩係呢個湯底既材料已經好多, 有豬手骨豬筒骨同豬軟骨, 咁多骨滾起黎令到個湯豬骨香味非常濃郁, 再配上粟米，蝦乾片, 令到個湯更加鮮甜, 而且飲落一啲唔肥膩.手切本地肥牛呢度好出名, 切得紋里分明, 所以肥牛特別彈牙. 另外仲有極上肥牛, 同樣肉嫩, 牛肉鮮味濃郁.手打牛丸同蟹籽墨魚丸又係好彈牙爽口.花膠件大大片, 豐厚飽滿, 食左補充晒D骨膠原.鮮炸響鈴就咁食都非常脆口, 淥三秒吸收晒D豬骨湯精華更加好味.台灣鴨血王口感夠晒滑溜, 但質感唔會好易散開, 非常讚.