東明記 (已結業)

上星期同老朋友聚會，他最愛吃...四處尋覓。同事介紹又有Coupon咪去試吓囉。我覺得打邊爐最緊要係材料新鮮，食具乾淨，環境同服務都有D分加!我個老友真係好食得，2個人Order咗BB蟹、花甲皇、豬頸肉、豬腰、水魷魚、炸魚皮、鵝腸、鮮雞子、貴花蚌、生蠔、皇帝菜、炸枝竹、脆鯇拼盆、3枝啤酒連招牌三鴦鍋湯底(勁呢)。睇到隔離枱D手切牛好似幾新鮮，但我個老友唔食牛所以冇試。其中豬腰唔新鮮，花甲皇好掂又大隻又新鮮，所以"安哥"。豬頸肉麻麻地...原本想點戰地黑豚；點知畫錯咗!海鮮都算新鮮...(BB蟹,抵)但選擇不多。三鴦鍋幾特別，麻辣湯麻而不"極"辣，我喜歡。其他食物都OK，最重要係有Coupon，仲可以累積用...以食物質素同價錢比較，扣埋Coupon HK$650 尚算合理。