影片
更多
2019-02-23
36 瀏覽
早兩日跟朋友去尚鮮打邊爐，呢間係朋今個冬天最常去嘅火鍋店，朋友知我鐘意飲湯，就話要帶我嚟試好嘢🤤醬料($15/位)一坐低店員就奉上醬料，有蔥花，芫荽，生蒜，炸蒜，紅辣椒，XO醬，麻油，豉油，芝麻，薑蓉。呢度嘅湯底真係好啱我心水，養生湯底五款都好吸引，其他精選湯底睇落都好唔錯👍🏻川貝海底椰燉鱷魚肉排湯($178)我地揀咗養生鱷魚肉燉湯，是出面買鱷魚肉煲湯都唔平，仲有埋川貝海底椰，呢個湯潤喉潤肺，我同朋友飲晒成個湯先再加湯打邊爐。湯底好足料，好飲又滋潤😋百花釀油條($58)油炸鬼入面嘅蝦膠非常新鮮彈牙，仲食到有一粒粒蝦肉，油炸鬼炸得香脆，又唔會油淋淋，可以點酸辣醬就咁食或者好似食響鈴咁浸一浸湯先食。四色丸尚盛($88)由上至下 : 金沙鮮肉丸，松露豬肉丸，芥末籽蝦丸，甜薯墨魚丸四款丸都好好味，每款丸入面都有特別嘅餡料，各有特色！五味豚拼盤($138)三層擺盤好精美，呢個係朋友每次嚟嘅必點item。上至下 : 豬紅，豚肉片，黃沙豬膶，豬皮，豬粉腸羽衣甘藍($38)見到Menu上面有羽衣甘藍嗰陣有啲好奇，未試過拎嚟打邊爐，上菜時店員提示可以滾耐啲先食👍🏻洛神花蜜($26)清新得嚟小小甜又唔會太
早兩日跟朋友去尚鮮打邊爐，呢間係朋今個冬天最常去嘅火鍋店，朋友知我鐘意飲湯，就話要帶我嚟試好嘢🤤
醬料($15/位)
一坐低店員就奉上醬料，有蔥花，芫荽，生蒜，炸蒜，紅辣椒，XO醬，麻油，豉油，芝麻，薑蓉。
呢度嘅湯底真係好啱我心水，養生湯底五款都好吸引，其他精選湯底睇落都好唔錯👍🏻
川貝海底椰燉鱷魚肉排湯($178)
我地揀咗養生鱷魚肉燉湯，是出面買鱷魚肉煲湯都唔平，仲有埋川貝海底椰，呢個湯潤喉潤肺，我同朋友飲晒成個湯先再加湯打邊爐。湯底好足料，好飲又滋潤😋
百花釀油條($58)
油炸鬼入面嘅蝦膠非常新鮮彈牙，仲食到有一粒粒蝦肉，油炸鬼炸得香脆，又唔會油淋淋，可以點酸辣醬就咁食或者好似食響鈴咁浸一浸湯先食。
四色丸尚盛($88)
由上至下 : 金沙鮮肉丸，松露豬肉丸，芥末籽蝦丸，甜薯墨魚丸
四款丸都好好味，每款丸入面都有特別嘅餡料，各有特色！
五味豚拼盤($138)
三層擺盤好精美，呢個係朋友每次嚟嘅必點item。
上至下 : 豬紅，豚肉片，黃沙豬膶，豬皮，豬粉腸
羽衣甘藍($38)
見到Menu上面有羽衣甘藍嗰陣有啲好奇，未試過拎嚟打邊爐，上菜時店員提示可以滾耐啲先食👍🏻
洛神花蜜($26)
清新得嚟小小甜又唔會太酸，仲用襯埋色系嘅紙飲筒，支持走塑。
青檸梳打($26)朋友比我試咗一啖，呢杯對於我來講有啲過酸，我都係鍾意自己杯洛神花蜜多啲😂
仲有汽水啤酒選擇🍻張貼
