潮福蒸氣石鍋 (已結業)

今日去旺角買完野，女朋友話想打邊爐，咪陪佢去囉，不過竟然去親間間都要等好耐位！嬲嬲豬既佢就上openrice搵下仲有邊度有得食啦，原來旺角有間潮福！咁就去食喇！入到去第一下感覺係自己去左個海鮮檔！點解可以有咁多海鮮架？大大隻既鮑魚！象拔旁！龍蝦！海班！大蝦！海魚！墨魚！睇到都開心呀！可惜既係入到黎先知呢度係無邊爐打既！唯有轉去食呢度既蒸氣火鍋！呢度既配料好多！下至炸蒜上至冬菜都有！呢度地方唔大，但有好多台！亦有足夠的員工好勤力地為你的蒸氣鍋努力！地方整潔相信都係呢度既賣點！呢度既蒸氣鍋海鮮多樣化，一來就先為你送上羽鴿鮑魚同剌生或龍蝦！自選海鮮亦非常豐富！梗有岩食既！呢度免費請你飲個頭啖湯！一定有響螺肉！一盅盅的靚湯，味濃料足！真心好食！聖旨到！今日呢度有得食蟶指！好新鮮爽口！一個字：鮮甜！咪睇啲象拔旁咁似墨魚！佢真係象拔旁黎架！生蠔係我至愛！但女朋友就唔特別愛好喇！不過潮福的生蠔就係一字棒的！潮福送的鮑魚真係幾大隻既！咬落爽口彈牙！最緊要的係一個字！好新鮮！潮福的羽鴿好似炸子雞咁香咁脆架！咬落好有油香！係齒甲留香！