黃記煌三汁燜鍋 (已結業)

黃煌記同傳統打邊爐唔同，呢度會用無水燜既方法焗出食物既原汁原味，我哋叫左三黃雞燜鍋，底部全部都係蔬果，洋蔥、蘿蔔、西芹、青紅椒等帶出甜味，面頭鋪滿雞肉加撒上調味料，用電爐熱力燜熟，差不多時候就撈均勻醬汁，食得! 雞肉十分嫩滑，味道可口不油不膩。吃完雞煲後加湯便可以燙其他食材了。牛魔煌拼盤份量十足，三個女孩根本就吃不完，牛肉肉味濃，有口感。粟米，白蘿蔔，蔬菜拼盤等非常新鮮，爽口。廣島蠔蠔味濃郁，鮮甜。鵝腸略韌，可能我們滾了很久，但吃落有鵝味。手工松露墨魚丸比鵝肝蝦丸好食，因為咬落第一啖已好香黑松露味，而且食到粒粒墨魚肉。西瓜汁很清涼，而芒果爽則滿足埋食甜品的慾望，和火鍋非常配合