彩興來來火鍋 (已結業)

早排係將軍澳地鐵站出面見到個廣告燈箱，先知道附近屋苑新開左間火鍋店，近排天氣終於涼左即刻等唔切要打邊爐，就決定同屋企人黎試新野～講真...唔係專登去搵呢間舖都唔知道帝景灣有個商場...沿路靠住火鍋店既廣告燈箱指示先識入去...雖然沿途人都唔多個，不過黎到舖頭又有唔少客，坐滿8,9成，睇黎幾受街坊歡迎，個心都定啲！師傅話生鐵鑊平時要用麻油養住先唔會生銹，用之前會筆走麻油，然後即場爆香薑蒜頭，落埋雞件、花膠、蟲草花去炒，再落雞湯煲至大滾，迫出食材既鮮味，煲成黃金雞煲，睇落就好滋補，飲落的確非常鮮甜，4個人每人share到2-3碗，好暖胃，花膠大大塊絕對係女士補充⻣膠原既恩物，雞肉仍然好滑，食到咁上下就加清湯打邊爐～非常脆身又多肉，好正！不過有幾件較厚身就難啲熟透，好彩同屋企人食再淥過都冇所謂～粒粒都勁足料，我就比較鍾意黑松露蘑菇牛丸既濃郁香味，中間係流心黑松露醬，無得輸！花膠粒北菇肉丸好重香菇味，充滿家常菜既親切感，好岩我口味～肥牛食得多，呢餐想同屋企人食好啲，叫左最貴個隻牛肉，果然一分錢一分貨，每塊既油花都分佈均勻，所以每啖肉都好細緻嫩滑，肉味濃郁，的確物有所值，讚！另外仲叫左兩款小食～