倫哥火鍋私房菜 (已結業)

近日天氣寒冷，最好梗係去食雞煲或打邊爐啦，今日約咗朋友去元朗「倫哥尊尚火鍋私房菜」打邊爐食雞煲，一次過滿足晒兩個願望，正呀！首先有前菜，十分醒胃，仲有花菇鮑魚，炆得十分入味，口感煙韌彈牙！ 抵食$288任食雞煲火鍋放題， 主要有雞+ 海鮮盤+一份牛頸脊+一份墨魚&蝦滑等等，十分豐富，好抵呀！雞煲仲可以自選辣度，雞件嫩滑，配上大量芫茜、蒜頭&洋蔥等等，超級惹味，雞煲勁香勁惹味， 胡椒&辣椒份量味恰到好處， 唔太辣，好啱我，雞件仲可以無限追加添！食完雞煲就可以打邊爐，我叫咗《北海道3.6牛乳豬骨湯》，湯底以3.6牛乳&豬骨整製成，肉味濃郁， 味道香滑有奶味， 正呀！ 海鮮拼盤，非常豐富， 有帶子、海蝦、廣島蠔，龍躉等等。 厚切龍躉斑片，入口甜美，口感彈牙， 魚味十足，仲可以encore 添！ 美食之選《牛頸脊》，油花分佈平均，牛味香味， 肉質嫩滑，切成薄片， 灼一陣就食得啦！ 仲有《墨汁墨魚滑》&《花枝蝦滑》，我都好喜歡，超爽口超彈牙，好食。當然有其他火鍋配料都好唔錯，種類好多，有丸類、雲吞水餃、響鈴、豬肉片& 蔬菜類別等等。 當然有嘢飲任飲啦！