稻香超級漁港 (已結業)

記得之前黎打邊爐幾好食，所以呢晚再黎打邊爐。平日既關係，等左一陣就有位啦。先叫左個鴛鴦湯底，跟住阿姐就拎個調味醬黎，款式好多，有炸蒜茸，正！混完醬就落單，叫左唔少野，o的野大約十五分鐘就到。手打四寶丸，墨魚丸彈牙，牛丸、豬肉丸同鯪魚球都好有味，全部人手製造，惦！珊瑚蚌配桂花蚌，兩者都新鮮爽口，珊瑚蚌夠鮮！桂花蚌又甜，正！手切牛肉嫩滑，切得好得意。不過手o即魚麵就比以前差，唔彈牙同冇乜魚味。其他食物如粉腸、白鱔片、支竹、滑雞、豬潤、魚頭等都唔錯。服務同環境都合格，稻香打邊爐又抵食又好食，唔係食任食都會黎呢度。