影片
更多
2023-02-07
21 瀏覽
捉住冬天的尾巴……吃！火！鍋！雖然香港人習慣一年四季都會打邊爐，但天氣涼涼地，氣氛就是不一樣。@胡爐 係一間走中高檔路線的火鍋小店，銅鑼灣店，是間樓上舖，比較清靜，店面不太大，有點吃私房菜的感覺。打邊爐第一樣要揀當然係湯底：*胡椒豬肚花膠雞鍋 $288湯底除咗入面有咸菜豬肚外，會另外附上半隻雞同大大件花膠（真係又厚又大件），仲有胡椒粒。店員說湯底是老火湯，建議我們先喝碗湯，之後再加雞和花膠。湯底好清甜。飲完第一碗，加入胡椒花膠雞煲一陣再飲一碗，又是另一種風味，比較濃郁辛辣（落幾多胡椒可自行調節），好驅寒暖胃。我們今天的重點火鍋料：*胡爐牛拼盆 $398（包括牛舌芯、安格斯手切肥牛，極上手切牛頸脊、牛胸爽、霜降牛粒）牛頸脊同手切肥牛好新鮮，油花均勻，看得出是高品質的來貨。牛胸爽唔係度度有，又名牛白肉，好多人以為佢只係肥肉，其實佢好爽脆架，亦都係好多嘴刁人士心頭好。其實肉類只要料靚、新鮮就可以。不得不提的反而是餃子和肉丸（$88-108），此店的餃子和肉丸全部都好有特色。應該係店內廚師自創和特制。我最鍾意梅菜豬肉丸，好有親切感。味道似家裏的梅菜豬肉餅，但又神奇地彈牙。雲吞是另一個驚喜，大地
雖然香港人習慣一年四季都會打邊爐，但天氣涼涼地，氣氛就是不一樣。
@胡爐 係一間走中高檔路線的火鍋小店，銅鑼灣店，是間樓上舖，比較清靜，店面不太大，有點吃私房菜的感覺。
打邊爐第一樣要揀當然係湯底：
*胡椒豬肚花膠雞鍋 $288
湯底除咗入面有咸菜豬肚外，會另外附上半隻雞同大大件花膠（真係又厚又大件），仲有胡椒粒。店員說湯底是老火湯，建議我們先喝碗湯，之後再加雞和花膠。湯底好清甜。飲完第一碗，加入胡椒花膠雞煲一陣再飲一碗，又是另一種風味，比較濃郁辛辣（落幾多胡椒可自行調節），好驅寒暖胃。
我們今天的重點火鍋料：
*胡爐牛拼盆 $398
（包括牛舌芯、安格斯手切肥牛，極上手切牛頸脊、牛胸爽、霜降牛粒）
牛頸脊同手切肥牛好新鮮，油花均勻，看得出是高品質的來貨。牛胸爽唔係度度有，又名牛白肉，好多人以為佢只係肥肉，其實佢好爽脆架，亦都係好多嘴刁人士心頭好。
其實肉類只要料靚、新鮮就可以。不得不提的反而是餃子和肉丸（$88-108），此店的餃子和肉丸全部都好有特色。應該係店內廚師自創和特制。我最鍾意梅菜豬肉丸，好有親切感。味道似家裏的梅菜豬肉餅，但又神奇地彈牙。雲吞是另一個驚喜，大地魚同蝦的鮮味好融洽，唔知有咩秘方，鮮味又爽口。其它丸同餃都好有特色，不一一詳述。
餐牌仲有好多其他配料和小食：
*日式和風蕃茄沙律 $48
廚師刀功好好，每一片都一樣薄，大大一盤，以為會食唔曬，點知食到停唔到口，味道很清爽，開胃，估計它有日式醬油，醋，蒜蓉等等。
餐廳冇免費供應茶水，但飲品選擇都多，連紅白酒都有幾款。開壺茶只是$10，竟然係桂花烏龍茶，好清香。
餐廳冇豪華裝修或者貼身服務，但對食物質素較著重同想慢慢傾計的人好適合。
張貼
