煲底海鮮火鍋料理 (已結業)

今晚約朋友去尖沙咀嘅鍋底海鮮火鍋料理打邊爐，餐廳充滿Mirror 應援物，因為朋友鐘意Mirror，而且餐廳而家緊九折，於是便去試吓。我哋叫左竹笙花膠冬瓜盅鍋、潮牛（小）、爆汁四寶丸、花樣油條、自家製黑松露帶子湯包（半份）及墨魚韭菜餃（半份），仲有叫左紫貝天癸來飲。竹笙花膠冬瓜盅鍋這個鍋都係不得了，非常足料，有竹笙、花膠、半隻雞、素翅、冬瓜、姬松茸及杞子等，湯非常濃郁，濃濃雞湯，鮮甜好飲，我哋都忍唔到飲左兩碗。花樣油條油條釀着蝦膠，炸到脆卜卜，就甘食已經好好食，擺落湯到涮一涮，又有另一番風味。潮牛（小）潮牛脂肪分布均勻，牛肉味濃，非常之好食！自家製黑松露帶子湯包（半份）皮薄餡靚，湯包充滿黑松露味，配上帶子非常之夾，好食！墨魚韭菜餃（半份）餃子内有滿滿的韭菜新鮮爽脆，配上墨魚，不錯。爆汁四寶丸每種丸都有獨特嘅餡料，同丸本身非常之夾，而且咬落去都會爆汁，食嘅時候要小心。紫貝天癸打邊爐嘅最佳拍檔，酸酸甜甜，又可以清熱，又可以幫助消化。P.S. 佢哋醬料都很特別，如XO醬、麻辣醬等，用來點打邊爐嘅食材，有畫龍點睛之效。