薄荷葉泰國菜

營業中

休息中

今日約左朋友一齊打針，打完針緊係係附近揾野食啦！而家旅行又去唔到，又好想食泰國野，點知對出就有一間泰菜館了。彩色既燈光感覺好柔和舒適，牆上有投影電視，解像度又幾清，遠距離都睇得好清楚。高空有好幾盞大吊燈吊住，突然感覺有好強既中秋氣氛呀！前菜小食，酸酸甜甜多晒開胃，這是免費贈送既。柚子大蝦沙律層層疊既沙律，份量係好實心下。弄散之後原來都幾多，蝦既數量都唔小，再配側面既小小醬，味道又幾夾。炸蝦餅小食最popular 既一定係食炸蝦餅，人手自製蝦餅，比想像中竟然彈牙同好有口感，炸出黎係金黃色，仲係熱辣辣既，切成一小件方便入口，味道唔錯。馬拉盞炒芥蘭食泰國野，點都一定要食馬拉盞炒菜。今次我同朋友都好愛吃芥蘭，就一於試下。芥蘭竟然又唔苦仲幾爽口，軟硬和份量適中，炒出黎仲香噴噴，食落去又唔太辣，非常惹味。最後我叫左杯地道d既青檸疏打，炎熱既天氣真係好解渴呀。職員竟然知我地打左針，即刻都溫馨提示我地唔好飲酒，真細心。