阿來客棧雞煲火鍋 (已結業)

餐廳位於銅鑼灣渣甸街嘅一幢新大厦渣甸中心25樓，聽聞係由來來雞煲嘅原班人馬主理，餐廳環境舒適濶落，加上抽風系統精神，係一間坐得好舒服嘅雞煲餐廳。藍妹，打雞煲，飲啤酒，係定劣嚟。椒鹽粟米，椒鹽粟米放上枱已經香氣四溢，面頭椒鹽做得香脆乾身，而且一啲都唔油膩，味道惹味，十分開胃。脆炸午餐肉半份，脆炸午餐肉緊隨其後，午餐肉炸脆之後嘅吸引程度無庸置疑，淨食又得，打雞煲亦得。雞煲半隻，辣度揀咗中辣，我覺得個辣度大約等於譚仔嘅中辣同大辣之間，嗜辣嘅我辣得相當過癮， 雞肉嫩滑，令人十分享受。老油條半份，唔係咁多打雞煲有得嗌嘅油炸鬼，見到餐牌有當然試試，掉完落雞煲之後都依然脆身，讚。薯粉半份，薯粉索盡雞煲嘅精華，打雞煲，落薯粉，都係定劣嚟。油麥菜半份，油麥菜非常新鮮，直情係刺身級，食份菜作結，感覺健康。