德豐打冷粉麵餐廳

營業中

休息中

有消息話又有颱風， 好大機會明天就8號風球添， 唉！見到街市人頭湧湧， 啲菜仲賣得好貴， 真係買唔落手， 於是走咗去德豐茶餐廳食下午茶冷靜下。其實之前都有去過德豐食晚飯， 水準唔錯， 原來佢啲下午茶餐都有好多選擇， 價錢都合理喎。炒貴刁 + 奶茶雖然個下午茶餐都要47蚊， 但貴刁份量都足，唔係迷李版， 啲貴刁粉滑而且炒得唔錯有鑊氣， 啲粉仲炒得好鬆好透，唔會叠住哂一舊舊， 配料份量都足， 叉燒， 火腿同芽菜都多嫁， 可惜咖哩味唔重， 唔夠辣, 風味就好似少咗啲。