Joyful Dessert House (已結業)

正午大熱天時到銅鑼灣，商場又行晒，到了下午茶時段，又見唔係太餓，果斷食甜品。因為天氣熱，要食凍野。本來想食連鎖式甜品店，貪佢簡單，黎黎去去都係果幾種。可惜，比我係街頭發現下午茶送飲品既大大個易拉架。一於去試一試。去到我就叫左一個甜品。菠蘿金寶拼菠蘿扒伴雪糕，個名係咪好似好西利。黎到外表都幾靚，同廣告相都幾似。菠蘿雪糕，我食落覺得似雪芭多點，甜甜酸酸，入口唔錯。燒鮮菠蘿真係燒，最好係用鮮菠蘿，但有火腿味。菠蘿金寶熱辣辣，入口唔算好甜，有D似菠蘿批既味道。至於送既飲品方面，點了凍忌廉抹茶鮮奶，黎到味道都唔錯，唔算甜，又夠凍，上圓下尖既杯都幾靚。下次再食，不過一定下午茶時段，貪佢送野飲