影片
更多
2024-06-23
33 瀏覽
小點角落開到去葵芳啦，主打街頭小食、甜品，並增添好多創意、新穎嘅配搭，之前食過糖水，今次就直程喺度食正餐。🔸️掃街小食全餐勁豐富掃街小食全餐，分別有麥皮蝦芒果沙律脆筒、碗仔翅蒟蒻麵、特特大魚蛋、山椒咸蛋黃雞翼、蝦頭油菜圃燒賣、新煎釀三寶，簡直係掃街版all day Breakfast🤣麥皮蝦芒果沙律脆筒最吸引我，賣相靚之餘，啲蝦都炸得好脆。輕盈版碗仔翅改用蒟蒻麵，食得健康，又冇罪惡感。魚蛋燒賣就最基本嘅街頭小食，加咗蝦頭油菜圃，簡直畫龍點睛，好惹味！🔸️瑞士雞翼以上2款追加輕量型主食 +$18：蝦頭油撈麵、籠仔腸粉，雖然叫輕量型，但份量都唔少！瑞士雞翼，好入味，大大隻👍🏻籠仔腸粉味道正常。🔸️雪糕雞蛋仔畫室 小店招牌之一係雞蛋仔，附送海鹽焦糖醬，加埋之後甜甜鹹鹹都幾好食。🔸️芒芒小丸子椰皇蛋白、芋頭西米椰皇蛋白記得上次食過小丸子，椰皇蛋白好正，今次再encore，另外仲揀咗一個芋頭西米椰皇蛋白，即叫即燉，佢哋嘅蛋白都好滑好香。🔸️芒芒甘露沙冰、西柚橙香檸茉莉飲品選擇都好多，同埋好大杯，我杯芒芒甘露沙冰，有好多芒果肉，充滿口感！📍#小點角落 (#葵芳美食)葵芳興芳路223號新都會廣場5樓574A號
🔸️掃街小食全餐
勁豐富掃街小食全餐，分別有麥皮蝦芒果沙律脆筒、碗仔翅蒟蒻麵、特特大魚蛋、山椒咸蛋黃雞翼、蝦頭油菜圃燒賣、新煎釀三寶，簡直係掃街版all day Breakfast🤣
麥皮蝦芒果沙律脆筒最吸引我，賣相靚之餘，啲蝦都炸得好脆。輕盈版碗仔翅改用蒟蒻麵，食得健康，又冇罪惡感。魚蛋燒賣就最基本嘅街頭小食，加咗蝦頭油菜圃，簡直畫龍點睛，好惹味！
🔸️瑞士雞翼
以上2款追加輕量型主食 +$18：蝦頭油撈麵、籠仔腸粉，雖然叫輕量型，但份量都唔少！
瑞士雞翼，好入味，大大隻👍🏻籠仔腸粉味道正常。
🔸️雪糕雞蛋仔畫室
小店招牌之一係雞蛋仔，附送海鹽焦糖醬，加埋之後甜甜鹹鹹都幾好食。
🔸️芒芒小丸子椰皇蛋白、芋頭西米椰皇蛋白
記得上次食過小丸子，椰皇蛋白好正，今次再encore，另外仲揀咗一個芋頭西米椰皇蛋白，即叫即燉，佢哋嘅蛋白都好滑好香。
🔸️芒芒甘露沙冰、西柚橙香檸茉莉
飲品選擇都好多，同埋好大杯，我杯芒芒甘露沙冰，有好多芒果肉，充滿口感！
📍#小點角落 (#葵芳美食)
葵芳興芳路223號新都會廣場5樓574A號舖
張貼
