意樂餐廳 (慈雲山中心)

營業中

休息中

今日同朋友去慈雲山嘅意樂食lunch。其實都知道係咩公司開，都叫做冇乜期望。門口staff見到我哋入去就cue同事帶枱，點知大家掂行掂過，唯有自己搵位坐。 目測張張空枱都濕笠笠同埋佈滿上一手跌落枱面嘅飯餸粒，咪舉手叫侍應抹下枱。兩個侍應行過嚟知道要抹枱都卸膊唔想抹，到真係有人嚟抹，都係抹兩下就收手，枱面仍然有顯著嘅飯餸粒。到嗌嘢食仲世界級。條友幫我哋邊落單用自己手機whatsapp同人錄音傾偈。我有一刻可能太投入落單，無發覺個侍應行開咗，喺度錄 voice message! 阿姐，我都唔理你你冇嘢做篤下機，但我哋落單又唔係用你成個鐘，你等一分鐘都得掛！嘢飲方面，成日都有人講taste of asia好cheap，唔買檸檬淨係買檸檬汁沖檸茶，表現出間公司好孤寒。但係我要係度位佢哋平反下，啲侍應不知幾generous，嗌嘢飲送埋水吧張單做贈品，原封不動連杯野呈上枱面：（真。speechless） 個兩杯野真係好。難。飲。芒果無芒果味，士多啤梨係藥水味。成件事係糖漿溝水。嘢食，tbh，其實OK。龍蝦湯海鮮扁意粉個味道係可以，唯一就係俾機粒海鮮就話係海鮮（碗野都唔平㗎喎！）焗飯都冇特別難食，。