影片
更多
2015-11-09
704 瀏覽
一盅飯加兩個點心都只係 HKD30 蚊，真係好鬼平喎﹗豉椒排骨飯、乾蒸燒賣、四寶雞紮，一盅兩件都只係 HKD30，一分錢一分貨啦，以依個咁低價錢提供既質量算合格喇，唔難食。日日都經過，今日終於試佢一試喇。以依個大眾化價錢黎講質量都合格架喇服務員阿姐真係太過求其喎，大大力掉四寶雞紮落個盒度搞到爆開爛晒喇﹗溫柔啲好喎！如果我唔要求飯跟點心分盒裝，佢仲打算倒晒兩碟點心係飯上面一齊包添，救命﹗咁咪搞到個飯又濕又油！味道打晒交，撈埋晒一齊，哼！無汁點心可放同一盒，但點心一定唔可以同飯包埋一齊囉！埋葬係啲飯度咩！四寶雞紮，開呀﹗其實正確食發係一啖咬落去，並唔係拆開食架呢，您食漢堡包會唔會青瓜、雞蛋、蕃茄、牛肉抽出黎續樣食呢？咁就唔係漢堡包、唔係四寶雞紮啦！精髓就係要一啖有齊四種質感、四種味道。腐皮捲住豬肚、雞柳、芋頭，仲有疑似魚肚又似豬皮既物體﹗即刻試試先，塊野好爽口喎，仲有點油益味，唉﹗好一塊披著腐皮的豬，扮魚肚既豬皮，我好鍾意食軟棉棉、滑溜溜，鮮甜味美既魚肚架﹗唔係依塊豬皮囉，雖則明白生意難做，價錢掙幾倍呢。 等價交換，可以賣得咁平都可以理解既。腐皮有點乾韌，豬肚爽彈而不苦澀，雞柳雪白味濃彈彈
一盅飯加兩個點心都只係 HKD30 蚊，真係好鬼平喎﹗豉椒排骨飯、乾蒸燒賣、四寶雞紮，一盅兩件都只係 HKD30，一分錢一分貨啦，以依個咁低價錢提供既質量算合格喇，唔難食。日日都經過，今日終於試佢一試喇。以依個大眾化價錢黎講質量都合格架喇
服務員阿姐真係太過求其喎，大大力掉四寶雞紮落個盒度搞到爆開爛晒喇﹗溫柔啲好喎！如果我唔要求飯跟點心分盒裝，佢仲打算倒晒兩碟點心係飯上面一齊包添，救命﹗咁咪搞到個飯又濕又油！味道打晒交，撈埋晒一齊，哼！無汁點心可放同一盒，但點心一定唔可以同飯包埋一齊囉！埋葬係啲飯度咩！
四寶雞紮，開呀﹗其實正確食發係一啖咬落去，並唔係拆開食架呢，您食漢堡包會唔會青瓜、雞蛋、蕃茄、牛肉抽出黎續樣食呢？咁就唔係漢堡包、唔係四寶雞紮啦！精髓就係要一啖有齊四種質感、四種味道。腐皮捲住豬肚、雞柳、芋頭，仲有疑似魚肚又似豬皮既物體﹗即刻試試先，塊野好爽口喎，仲有點油益味，唉﹗
好一塊披著腐皮的豬，扮魚肚既豬皮，我好鍾意食軟棉棉、滑溜溜，鮮甜味美既魚肚架﹗唔係依塊豬皮囉，雖則明白生意難做，價錢掙幾倍呢。 等價交換，可以賣得咁平都可以理解既。腐皮有點乾韌，豬肚爽彈而不苦澀，雞柳雪白味濃彈彈的。我唔食芋頭架，多謝晒。
乾蒸燒賣，大舊就夠晒大舊啦，但咬落口感鬆散，仲食到成口油添 ﹗味道都算可以，有點點豬肉味，感覺非常油膩。點解我食唔到有蝦既？留心睇一睇，好多肥豬肉呀！難怪一口油，唔係咁搞笑諗住扮蝦麻？面頭撒上一堆無味咸蛋黃粒作點綴，蒸到過晒火，濕淋淋又黏口，整體味道還可以既。唔係講笑，肥豬肉真係多得很﹗
潮洲粉果，嘩﹗層皮勁厚，易飽肚？嘩！好油呀，口感會滑一點？餡得好少，得一篤仔，仲勁重芹菜味。我由細到大都食唔到芹菜架，覺得好嗅想反胃。依家成粒啪左入口，唯有格硬忍住，成舊吞落肚囉，剩返兩舊只好掉落垃圾桶。
鮮竹卷，好味喎！醬汁香濃，腐皮滑而嚥韌，一咬爆汁，正！
豉椒排骨飯，真係 HKD20 蚊盅？好平喎﹗味道又唔係差，可以講得上係滿意添。飯就夠晒多喇，飯粒夠香又唔係太濕太腍，合格。飯粒蒸得夠嚥韌乾爽，飯香撲鼻，欣賞。但係排骨比例就似乎少左啲，排骨不太肥而且醃得入味香甜，好味噃！排骨骨多、肥膏多而肉少，肉質較為硬身，但豬肉香甜，味道又滿意噃。甜豉油清香又唔係太嗆又無過咸，層次就略為遜色，單調了一點點，唔會有令人越食越想食既感覺 ﹗豉椒排骨飯都算平靚正，唔掛得咁多食客排隊啦。上水最好食既排骨飯係邊間呀？點盅王？馬仔記？榮發？
咸魚肉餅飯，居然係梅香！梅香您近來好麻？好多年無見喇！依家已經好少撞到食肆會用梅香咸魚，難得。就算我舖頭都只係用普通硬咸魚乍，因師傅堅持無辦法。梅香咸魚撈飯最正，因為夠霉夠腍，彷如魚肉醬一樣包住飯粒，可以撈得均勻，每一啖都嚐到咸魚梅香。咸香獨特，混上甜豉油再跟豬肉融合跳進口中，肉香魚香加清甜甜豉油、肉彈魚漿飯嚥韌，那裡有得彈？好味！
其實見 menu 都唔係太多選擇，蒸飯約有五六樣啦，點心又係五六樣囉。做食肆生意當然款式越少越好，成本易控制、損耗易控制、質量易控制麻，咪好似日式拉麵名店咁，只賣一款湯麵，獨孤一味！
張貼
