影片
更多
2006-07-05
5 瀏覽
午飯無時間食, 晚上仲要去一間學校演講! 甩得身已經晚上9時, 真係切身體會饑腸轆轆同腹如雷鳴o既感覺! 諗住去IFC搵食啦, 點知唔唔鍾意o既小籠包店仍然要輪籌, 意粉屋都有人等緊位, 估唔到夜中環都咁難搵食.這裏格局睇落唔錯, 最重要係有位, 唯有試佢一試. 環境招呼都OK, 比上不足比下有餘啦. 點咗signature dish蜆周打湯再加個海鮮黑白扁意粉. 湯用一個大麵包上, 湯料大部分係薯仔, 蜆就有兩三隻咁啦, 個人覺得味道似好非好. 意粉內有三種海產: 三隻中蝦, 三文魚粒同另一種魚, 汁係鮮藩茄加蒜蓉加香草煮成. 蝦係雪蝦, 無乜味道, 三文魚熟咗就預咗唔好食, 不過最老土係有部粉係腥o既, 其中有幾粒仲好腥添. 另外一種魚肉乾乾硬硬, 真係食唔出係乜. 個汁有少少茄味, 少少蒜味, 少少rosemary, 少少芝士味, 但可惜鮮又唔夠鮮, 清新又唔夠清新, 香又唔夠香, 都唔知佢想點. 唔通煮西餐亂嚟就得? 百幾蚊食咁o既意粉真係火都嚟埋. 如果唔係好肚餓好肚餓, 食唔食得落都係未知數.好好醜醜叫做食完, 侍仔就問要唔要甜品喎. 姑且俾多個機會佢, 揀了Bombe A
這裏格局睇落唔錯, 最重要係有位, 唯有試佢一試. 環境招呼都OK, 比上不足比下有餘啦. 點咗signature dish蜆周打湯再加個海鮮黑白扁意粉. 湯用一個大麵包上, 湯料大部分係薯仔, 蜆就有兩三隻咁啦, 個人覺得味道似好非好. 意粉內有三種海產: 三隻中蝦, 三文魚粒同另一種魚, 汁係鮮藩茄加蒜蓉加香草煮成. 蝦係雪蝦, 無乜味道, 三文魚熟咗就預咗唔好食, 不過最老土係有部粉係腥o既, 其中有幾粒仲好腥添. 另外一種魚肉乾乾硬硬, 真係食唔出係乜. 個汁有少少茄味, 少少蒜味, 少少rosemary, 少少芝士味, 但可惜鮮又唔夠鮮, 清新又唔夠清新, 香又唔夠香, 都唔知佢想點. 唔通煮西餐亂嚟就得? 百幾蚊食咁o既意粉真係火都嚟埋. 如果唔係好肚餓好肚餓, 食唔食得落都係未知數.
好好醜醜叫做食完, 侍仔就問要唔要甜品喎. 姑且俾多個機會佢, 揀了Bombe Alaska. 哈, 過咗一陣侍仔返嚟話要等20分鐘, 無法子, 已經十點幾, 梗係走頭啦. 先前見另一檯客人又係唔知乜甜品要等15分鐘而放棄. 佢地d甜品要花時間整唔係問題, 響餐牌上註明咪得囉, 再唔係侍應即時講都得丫, 點解要客人掃興呢?
呢道唔平㗎, 打正招牌走高檔! 但咁多唔滿意, 我都好難再嚟喇...唔怪得同場食肆依然客滿而佢就有大把位, 唉!
張貼