花貝日本料理 (已結業)

新年開工諗住食餐好，試下啦，點知淨係啲服務員已經好唔掂，介紹餐牌唔清唔楚，送餐時又經常撞到同事個身，每碟都要問一次係邊位既（咁高級既餐廳唔係會記住用餐既人咩？）放底甜品但全部無比匙羹，補返黎係就咁揸住幾隻拎黎，收碟時砰零蹦難，疊到啲碟亂七八糟。到食物喇，我地6個人有四位食生兩位食熟，先講啲刺身完全係唔新鮮既，睇張相好似好新鮮（呢個係第二度菜），但完全係無味既，真係元氣都好過佢，之後已經唔想再影，第一度個前菜講到好似好勁，又話要點食點食，係垃圾，得個芝麻醬豆腐叫做有味，其他主食都已經唔想再提，成$800一位真係完全唔值得，呢餐請我都唔會再想食。