Slow House

營業中

休息中

煙燻曼谷牛腩漢堡(regular) :近排見到好多呢一種牛腩漢堡，所以試一試，牛腩肥肉同瘦肉嘅份量佔2/8 ，所以食落去唔會好油膩。如果調味多番少少，醃耐少少就好啦！ 特級脆雞腿漢堡(regular): 叫咗普通份量，但係其實都已經好大舊，炸嘅方法有啲似鹽酥雞，調味光好易唔會過喊，如果呢一個一上台即刻食嘅應該會好好食，但係我地方凍咗，試咗牛腩先。自己好鍾意食菠蘿嘅，所以好欣賞佢加咗菠蘿喺呢一個配搭上面，食雞腿嘅時候唔會好寡，有菠蘿帶小小嘅甜味中和返。兩個套餐都揀咗配沙律，沙律本身以為會係坊間普遍都用開嘅有時像，點知係用咗加咗辣椒仔辣醬嘅醬汁，食落去微辣，都幾新奇。檸檬茶同白桃茶就正常，但係都想讚一讚嘅係份量好大杯，好抵飲。總結：以西環呢一個地段來講，唔使$100就食到一個午餐，仲有連埋前菜同嘢飲，真係好抵食！ 裝修簡潔，而且坐得好闊落。