熊貓甜品屋 (已結業)

今日遲放工經過佐敦附近食完好味燒雞比，心思思就喺附近食埋甜品， 揀咗我最鍾意食嘅心太軟。見到啲相好似呢一間個樣似樣啲，但係價錢又唔係好貴所以泥呢度。餐廳係以熊貓做主題，門口好大隻熊貓，鋪內嘅裝修都貼滿左好多熊貓公仔，連張枱都有個熊貓公仔喺度，風格就係中西合璧咁樣， 幾fusion幾得意。呢度嘅心太軟係＄45 ,而我揀咗最傳統嘅雲呢拿雪糕配搭。上枱喇，個樣都幾似樣幾正路。食落口心太軟嘅味道唔錯，啲朱古力吾會好似水咁樣，都幾濃幾好味，但略嫌裡面唔夠熱，外皮再脆少少會更加好，雪糕應該係雀巢雪糕都唔會錯得去邊，而且有塊熊仔餅喺度又幾好味下。以呢個價錢來講算係唔錯。